சபரிமலை, சபரிமலையில் ஆடி மாத பூஜை இன்று நிறைவு பெற்று இரவு நடை அடைக்கப்படுகிறது. நிறை புத்தரிசி பூஜைகளுக்காக வரும் ஆக., மூன்றாம் தேதி நடை திறக்கப்படுகிறது. ஆடி மாத பூஜைகளுக்காக சபரிமலை நடை கடந்த 16–ம் தேதி திறந்தது. 17–ம் தேதி அதிகாலை நடை திறந்தது முதல் வழக்கமான பூஜைகளுடன் உதயாஸ்தமனபூஜை, படிபூஜை போன்ற சிறப்பு பூஜைகளும் நடைபெற்று வருகிறது. இன்று இரவு 7:00 மணிக்கு படி பூஜைக்கு பின்னர் 9:00 மணிக்கு அத்தாழபூஜை முடிந்து இரவு 10:00 மணிக்கு ஹரிவராசனம் பாடி நடை அடைக்கப்படும். அதன் பின்னர் நிறைபுத்தரிசி பூஜைகளுக்காக ஆக., மூன்றாம் தேதி மாலை 5:00 மணிக்கு நடை திறக்கப்படுகிறது. நான்காம் தேதி அதிகாலை 5:40 முதல் 6:00 மணிக்குள் நெற்கதிர்கள் ஐயப்பனுக்கு பூஜிக்கப்பட்டு நிறைபுத்தரிசி பூஜை நடைபெறும். இரவு 10:00 மணிக்கு நடை அடைக்க்கப்படும்.