திருவண்ணாமலை: அருணாசலேஸ்வரர் கோவிலில், ஆடிப்பூர விழா நாளை தொடங்குகிறது. திருவண்ணாமலை அருணாசலேஸ்வரர் கோவிலில், சித்திரை முதல் பங்குனி வரை, 12 மாதங்களும் உற்சவம் நடக்கும். இந்நிலையில் கோவில் அம்மன் சன்னதியில் நாளை காலை, 6:00 மணிக்கு மேல், 7:30 மணிக்குள், ஆடிப்பூர விழா கொடியேற்றம் நடக்கிறது. தொடர்ந்து தினமும் காலை, மாலை  பராசக்தி அம்மன், மாடவீதி உலா வந்து பக்தர்களுக்கு அருள்பாலிப்பார்.  நிறைவு நாளான, 10 நாள் விழா, ஆக.,1-ல் மாலை கோவில் வளாகத்திலுள்ள சிவகங்கை தீர்த்தக்கரை வளைகாப்பு மண்டபத்தில் பராசக்தி அம்மனுக்கு வளைகாப்பு உற்சவம் நடக்கும். இரவு, 10:00 மணிக்கு மேல், கோவில் வளாகத்தில் அம்மன் சன்னதி முன் தீ மிதி விழா நடக்கும்.