ராமநாதபுரம்: பகவத் கீதை உலக நன்மையையும், மனித வாழ்வுக்கான வழிமுறைகளையும் எடுத்துக் கூறுகிறது. மாணவர்கள் உட்பட அனைவரும் படிக்க வேண்டும் என ஆஸ்திரேலியாவை சேர்ந்த எச்.ஜி. சுரபி மாதாஜி அறிவுறுத்தினார்.

ராமநாதபுரம் வசந்தம் நகரில் உள்ள ஹரே கிருஷ்ண கோயிலில் சிறப்பு சத்சங்கம் நிகழ்ச்சி நடந்தது. தலைவர் சகஸ்ரநாம தாஸ் தலைமை வகித்தார். இதில் ஸ்ரீலபிரபாதா மூத்த சீடர்களில் ஒருவரான ஆஸ்திரேலியா நாட்டை சேர்ந்த எச்.ஜி. சுரபி மாதாஜி பங்கேற்று சிறப்பு உபன்யாசம் செய்தார். அதில் பாரத நாட்டின் காப்பியமான பகவத் கீதை உலக நன்மையையும், மனித வாழ்வுக்கான வழிமுறைகளையும் எடுத்துக் கூறுகிறது. அதை அனைவரும் படித்து பயன்பெற வேண்டும். குறிப்பாக மாணவர்கள் பகவத் கீதை படிக்க வேண்டும் என்றார். தொடர்ந்து ஜெப தியானம் மற்றும் சிறப்பு பூஜை நடந்தது. மாணவர்களுக்கு பண்பாடு வகுப்பு நடந்தது. அன்னதானம் வழங்கப்பட்டது.