அருப்புக்கோட்டை: அருப்புக்கோட்டை விருதுநகர் ரோட்டில் அமைந்துள்ள முக்கிய விநாயகர் கோவில் கும்பாபிஷேகம் நடந்தது. மதுரை ராமகிருஷ்ண மடம் தலைவர் கமலாத்மானந்தா மகராஜ், ராமலிங்கம் மில் சேர்மன் தினகரன் தலைமையில் நடந்தது. நான்கு கால யாகசாலை பூஜைகள், புனித நீர் கொண்டு வருதல், கும்பத்திற்கு அபிஷேகம் உட்பட நிகழ்ச்சிகள் நடந்தது. ராமேஸ்வரம், பாபநாசம், திருப்புல்லாணி, உத்திரகோசமங்கை, திருச்செந்தூர், திருச்சுழி ஆகிய ஊர்களில் இருந்து புனித நீர் கொண்டு வந்து கலசத்திற்கு ஊற்றப்பட்டது.

நிகழ்ச்சியில் அமைச்சர் சாத்தூர் ராமச்சந்திரன் சிறப்பு விருந்தினராக கலந்து கொண்டார். முன்னாள் நகராட்சி தலைவர் சிவபிரகாசம், நகராட்சி துணைத் தலைவர் பழனிச்சாமி, இந்து சமய அற நிலையத் துறை உதவி ஆணையர் வளர்மதி, கோயில் செயல் அலுவலர் தேவி ஆகியோர் கலந்து கொண்டனர். அன்னதானம் நடந்தது. ஏற்பாடுகளை கோவில் தலைவர் அய்யனார், செயலாளர் பழனிச்சாமி, பொருளாளர் பழனிவேல், நிர்வாகிகள் செய்தனர்.