முதுகுளத்தூர்: முதுகுளத்தூர் அருகே சிறுகுடி பெருங்கருணை அங்கையர்கன்னி சமேத அகிலாண்டேஸ்வர் சிவன் கோயில் கும்பாபிஷேக விழா நடந்தது. கணபதி ஹோமம் தொடங்கி நவகிரக ஹோமம்,முதல் கால, இரண்டாம் கால யாகசாலை பூஜை,தீபாரதனை நடந்தது. பின்பு மூன்றாம்,நான்காம் கால பூஜை, விக்னேஸ்வர பூஜை, கோ பூஜை நடத்தப்பட்டு கருட வாகன புறப்பாட்டுக்கு பிறகு விமான கலசத்திற்கு காலை 10 மணிக்கு கும்பநீர் ஊற்றப்பட்டது. சிவன் உட்பட பரிவார தெய்வங்களுக்கு அபிஷேகம், சிறப்பு பூஜைகள் நடந்தது. விழா கமிட்டி சார்பில் அன்னதானம் வழங்கப்பட்டது.சிறுகுடி, பெருங்கருணை அதனை சுற்றியுள்ள கிராமமக்கள் ஏராளமானோர் கலந்து கொண்டனர்.