பழநி: பழநி,பாலசமுத்திரம் அகோபில வரதராஜ பெருமாள் கோயிலில் ஆவணி மாத பிரம்மோற்சவ திருவிழாவை முன்னிட்டு திருக்கல்யாண உற்சவம் நடைபெற்றது.

பழநி கோயில் நிர்வாகத்திற்கு உட்பட்ட பாலசமுத்திரம் அகோபில வரதராஜ பெருமாள் கோயிலில் ஆவணி பிரம்மோற்சவ திருவிழா செப்.4ல் கொடியேற்றத்துடன் துவங்கியது.நேற்று (செப்.10ல்) மாலை 6:17மணிக்கு ஸ்ரீதேவி பூதேவி சமேத அகோபில வரதராஜ பெருமாளுக்கு திருக்கல்யாணம் உற்சவம் நடைபெற்றது. இதில் பொதுமக்கள் திரளாக கலந்து கொண்டனர். இன்று (செப்.11ல்) இரவு பாரிவேட்டை நடைபெறும். செப்.12ல் காலை 7:15 மணிக்கு திருத்தேரோட்டம் நடைபெற உள்ளது. ஆவணி பிரம்மோற்சவ விழாவில் செப். 13ல் கொடியிறக்குதல் நடைபெறும். செப.14ல் விடையாற்றி உற்சவத்துடன் விழா நிறைவடையும். இந்நிகழ்ச்சியில் கண்காணிப்பாளர் அழகர்சாமி கலந்து கொண்டார் நிகழ்ச்சி ஏற்பாடுகள் இணை ஆணையர் நடராஜன் தலைமையில் நடைபெற்றது.