மானாமதுரை: மானாமதுரை அருகே உள்ள வேம்பத்தூர் கைலாசநாதர் கோயிலில் பவுர்ணமியை முன்னிட்டு 108 திருவிளக்கு பூஜை நடைபெற்றது.

மானாமதுரை அருகே உள்ள வேம்பத்தூர் கைலாசநாதர் ஆவுடைய நாயகி அம்மன் கோயிலில் மாதந்தோறும் பவுர்ணமியை முன்னிட்டு திருவிளக்கு பூஜை நடைபெற்று வருகிறது‌இதில் வேம்பத்தூர் மற்றும் சுற்றுவட்டார கிராமங்களைச் சேர்ந்த ஏராளமான பெண்கள் மற்றும் பக்தர்கள் கலந்துகொண்டு சுவாமி தரிசனம் செய்து வருகின்றனர். இந்நிலையில் இந்த மாதத்திற்கான பவுர்ணமியை முன்னிட்டு கோயில் வளாகத்தில் நடைபெற்ற 108 திரு விளக்கு பூஜையில் கலந்து கொண்ட பெண்கள் உலக நன்மைக்காகவும், நல்ல மழை பெய்து விவசாயம் செழிக்க வேண்டியும் பிரார்த்தனை செய்து கொண்டனர். பின்னர் சுவாமிக்கு சிறப்பு அபிஷேக,அலங்காரங்கள்,தீபாராதனைகள் நடத்தப்பட்டன. திருவிளக்கு பூஜைக்கான ஏற்பாடுகளை வேம்பத்தூர் கிருஷ்ணன் மற்றும் சிவாச்சாரியார்கள் செய்திருந்தனர்.