காரைக்கால்: காரைக்காலில் கோதண்டராமர் கோவிலில் புரட்டாசி முன்னிட்டு கோதண்டராமர் கண்ணன் அலங்காரத்தில் பக்தர்கள் காட்சி அளித்தார்.

காரைக்கால் பாரதியார்சாலையில் உள்ள நித்ய கல்யாண பெருமாள் கோவிலில் புரட்டாசி மாதத்தையொட்டி ஒவ்வொரு சனிக்கிழமையும் பெருமாளுக்கு சிறப்பு அலங்காரம் செய்யப்பட்டு தீபாரதனை நடக்கும். அதன்படி நேற்று புரட்டாசி முதல் சனியையொட்டி மூலவர் ரங்கநாதர் பெருமாளுக்கு சிறப்பு அபிஷேக ஆராதனை நடத்தப்பட்டது.இதுப்போல் கோவில்பத்து கோதண்டராமர் கோவிலில் புரட்டாசி முதல் சனியை முன்னிட்டு கோதண்ட ராமர் கண்ணன் அலங்காரத்தில் வெண்ணைத்தாழி உற்சவத்தில் பக்தர்களுக்கு காட்சியளித்தார். இதுபோல் பெருமாள் மற்றும் ஆஞ்சநேயர் உள்ளிட்ட முக்கிய கோவில்களில் புரட்டாசியை முன்னிட்டு சிறப்பு பூஜைகள் நடைபெற்றது. நிகழ்ச்சிக்கான ஏற்பாடுகளை கோவில் அறங்காவல் குழுவினர் மற்றும் நித்ய கல்யாண பக்தஜனசபாவினர் சிறப்பாக செய்திருந்தனர்.இதுப்போல் பல்வேறு முக்கிய கோவில்களில் சிறப்பு பூஜை நடைபெற்றது.