பெரியகுளம்: பெரியகுளம் பகுதிகளில் புரட்டாசி முதல் வாரம் பெருமாள் கோயில்களில் விசேஷ பூஜைகள் கோலகாலமாக நடந்தது.

லட்சுமிபுரம் லட்சுமி நாராயண பெருமாள் கோயிலில் புரட்டாசி முதல் வாரம் சனிக்கிழமையை முன்னிட்டு,‌ லட்சுமி நாராயண பெருமாளுக்கும், எப்போதும் வணங்கி நிற்கும் கருடாழ்வாருக்கு சிறப்பு அபிஷேகம், ஆராதனை நடந்தது. சிறப்பு அலங்காரத்தில் லட்சுமி நாராயண பெருமாள் காட்சியளித்தார். பக்தர்களுக்கு பிரசாதம் வழங்கப்பட்டது. ஏற்பாடுகளை அர்ச்சகர் ராமானுஜர் மற்றும் பக்தர்கள் செய்திருந்தனர்.*‌ பெரியகுளம் வரதராஜ பெருமாள் கோயிலில் மூலவர் திருப்பதி அலங்காரத்திலும், உற்சவர் கருட வாகனத்தில் பக்தர்களுக்கு காட்சியளித்தார்.

* தென்கரை கோபாலகிருஷ்ணன் கோயிலில் குழந்தை வடிவிலான கிருஷ்ணர் தங்க கவசத்தில் காட்சியளித்தார் ஏராளமான பக்தர்கள் பங்கேற்றனர். * நாமத்தவார் பிரார்த்தனை மையத்தில்

கிருஷ்ணர் ராதை துளசி அலங்காரத்தில் காட்சியளித்தனர். ஏராளமான பக்தர்கள் பங்கேற்றனர். ஏற்பாடுகளை ஒருங்கிணைப்பாளர்கள் கிருஷ்ணசைதன்யதாஸ், காசியம்மாள் மற்றும் பக்தர்கள் செய்திருந்தனர். பிரசாதம் வழங்கப்பட்டது. * பாம்பாற்று ராம பக்த ஆஞ்சநேயர் கோயிலில் ஆஞ்சநேயர் சந்தன காப்பு அலங்காரத்தில் காட்சியளித்தார் பக்தர்களுக்கு பிரசாதம் வழங்கப்பட்டது. ‌‌. * தாமரைக்குளம் மலைமேல் வெங்கடாசலபதி கோயிலில் சிறப்பு அலங்காரத்தில் சுவாமி காட்சியளித்தார்.