சென்னை: வடபழனி ஆண்டவர் கோயில் நவராத்திரி விழா கோலாகலமாக துவங்கியது.

நவராத்திரி விழா கொண்டாட்டத்திற்கு நாடு முழுவதும் மக்கள் தயராகிவருகின்றனர், சென்னை வடபழநி ஆண்டவர் கோயிலில் இந்த வருடம் ‛சக்தி கொலு பிரம்மாண்டமான முறையில் அமைக்கப்பட்டுள்ளது.  வடபழநி ஆண்டவர் கோயிலில் நவராத்திரி விழா, இன்று (26ம் தேதி) துவங்கியது. கர்நாடக இசை பாடகி சுதா ரகுநாதன் குத்துவிளக்கு ஏற்றி துவக்கி வைத்தார். விழாவில் இடமிருந்து கர்நாடக இசை பாடகர் அருண், கோயில் தக்கார் ஆதிமூலம், துணை ஆணையர் முல்லை, சுதா ஆதிமூலம் மற்றும் ஏராளமான பக்தர்கள் கலந்து கொண்டனர். விழாவானது அக்டோபர் மாதம் 4ம் தேதி வரை கொண்டாடப்பட இருக்கிறது. ஒவ்வொரு நாளும் அம்மன் ஒவ்வொரு விதமான அலங்காரத்தில் அருள்பாலி்ப்பார் ஆகவே நவராத்திரி நாள் முழுவதும் பக்தர்கள் வருகைதந்து அனைத்து அலங்காரத்தையும் தரிசித்து அம்மன் அருள் பெற வேண்டுமாய் கோவில் நிர்வாகம் கேட்டுக் கொண்டுள்ளது. அந்த அலங்காரத்தின் மகிமையை எடுத்துச் சொல்லும் விதத்தில் நட்சத்திர பேச்சாளர்களின் சிறப்பு சொற்பொழிவுகளும் நாள்தோறும் நடக்கிறது. இத்துடன் இன்னும் சிறப்பு நிகழ்வாக ஏகதின லட்சார்ச்சனையும்,வித்யாரம்பம் நிகழ்வும் நடைபெறுகிறது. இந்த நவராத்திரி வடபழநி ஆண்டவருக்கு மட்டுமல்ல வடபழநி ஆண்டவர் கோயிலுக்கு வரும் பக்தர்களுக்கும் கொண்டாட்டம் கூடுதலாகவே இருக்கும்.