பெரியகுளம்: வடுகபட்டியில் அருட்பெருஞ்ஜோதி வள்ளலார் 200 வது திருநாள் பெருவிழாவில் ஏராளமானோர் பங்கேற்றனர்.

வடுகபட்டியில் திருவருட்பிரகாச வள்ளலார் பெருமானாரின் 200 வது திருநாள் பெருவிழா நடந்தது. அருட்பெருஞ்ஜோதி அகவல் பாராயணம், சன்மார்க்க கொடியேற்றுதல், வள்ளலாருக்கு தீபாராதனை  உட்பட பல்வேறு நிகழ்ச்சிகள் நடந்தது. டி.எஸ்.பி‌‌., கீதா, அன்னதானத்தை துவக்கி வைத்தார். தவத்திரு குன்றக்குடி பொன்னம்பல அடிகளார், புலவர் ராஜரத்தினம், தலைமை ஆசிரியர் சீனிவாசன் உட்பட  ஆன்மிக சிந்தனையாளர்கள் வள்ளலார் குறித்து பேசினர். ஆன்மிக ஆர்வலர்கள் அழகர், சரவணன்,திருப்பதி, பாலா, ஆடிட்டர் ஜெகதீஷ் உட்பட பலர் பங்கேற்றனர்.ஏற்பாடுகளை தலைவர் ரத்தினவேல்  செயலாளர் வீர புத்திரன் பொருளாளர் வாசு மணி மற்றும் சமரச சுத்த சன்மார்க்க சத்திய ஞான சபை அருட்பெருஞ்ஜோதி வள்ளலார் சேவா அறக்கட்டளை நிர்வாகிகள் செய்திருந்தனர்.