தேவதானப்பட்டி: தேவதானப்பட்டி அருகே சில்வார்பட்டியில் பருவமழை நல்ல முறையில் பெய்தும் விவசாயம் செழிக்க வேண்டும் என விவசாயிகள் அய்யனார் குதிரை புறப்பாடு வழிபாடு நடத்தினர். சில்வார்பட்டி சிறுகுளம் கண்மாய் ஆயக்கட்டு விவசாயிகள் மற்றும் பல்வேறு விவசாயிகள், பொதுமக்கள் சார்பாக புறப்பாடு நடந்தது. சில்வார்பட்டி சிறுகுளம் கண்மாய் அருகே அய்யனார் கோயிலில் குதிரை செலுத்தப்பட்டது. பக்தர்கள் நேர்த்திக்கடனை அய்யனார் குதிரைக்கு செலுத்தினர். ஏராளமான பக்தர்கள் சுவாமி தரிசனம் செய்தனர்.