பெ.நா.பாளையம்: புரட்டாசி சனிக்கிழமையையொட்டி பெரியநாயக்கன்பாளையம், துடியலூர் வட்டாரங்களில் உள்ள பெருமாள் கோவிலில் சிறப்பு வழிபாடுகள் நடந்தன.

நரசிம்மநாயக்கன்பாளையம் அருகே உள்ள அப்புலுபாளையம் வெங்கடேச பெருமாள் கோவிலில் அதிகாலை முதலே சிறப்பு பூஜைகள், அபிஷேக ஆராதனைகள் நடந்தன. மாலையில் கருட வாகனத்தில் பெருமாள் தாயார்களுடன் எழுந்தருளி, பக்தர்களுக்கு அருள் பாலித்தார். நரசிம்மநாயக்கன்பாளையம் லட்சுமி நரசிம்ம பெருமாள், பாலமலை ரங்கநாதர் கோவில், நாயக்கனூர் லட்சுமி நரசிங்க பெருமாள், திருமலை நாயக்கன் பாளையம் கரிவரதராஜ பெருமாள், நாயக்கன்பாளையம் கரிவரதராஜ பெருமாள் உள்ளிட்ட பல்வேறு பெருமாள் கோவில்களில் சிறப்பு பூஜைகள், அபிஷேக ஆராதனைகள் நடந்தன. விழாவில், திரளான பக்தர்கள் கலந்து கொண்டனர்.