மதுரை: மதுரை மீனாட்சி அம்மன் கோவில் இணையதளம் நேற்று முன்தினம் இரவு திடீரென முடங்கியது.

நேற்று காலை வரை கோவில் நிர்வாகம் இதை கவனிக்கவில்லை. இதனால் பக்தர்கள், ஆன்லைனில் தகவல்கள் அறிய முடியாமல் சிரமப்பட்டனர். காலை, 9:00 மணிக்கு மேல் கோளாறு சரி செய்யப்பட்டு, இணையதளம் மீண்டும் பயன்பாட்டிற்கு வந்தது. கோவில் நிர்வாகம் தரப்பில் கூறுகையில், சர்வர் பிரச்னையால் இணையதளம் செயல்படவில்லை. அதற்கான காரணத்தை கண்டறிந்து தீர்வு காணப்பட்டது என்றனர்.