திருப்புத்தூர்: திருப்புத்தூர் திருத்தளிநாதர் கோயிலில் தேய்பிறை அஷ்டமியை முன்னிட்டு யோக பைரவர் சன்னதியில் சிறப்பு வழிபாடு நடந்தது.

குன்றக்குடி ஐந்து கோயில் தேவஸ்தானத்தை சேர்ந்த இக்கோயிலில் பைரவர் அமர்ந்த யோக நிலையில் அருள்பாலிக்கிறார். இன்று காலை 10:00 மணி முதல் பெண்கள் யாக சாலை மண்டபத்தில் தீபம் ஏற்றி பைரவரை பிரார்த்தித்தனர். தொடர்ந்து காலை 11:30 மணி அளவில் கணேசன், ரமேஷ் குருக்களால் சிறப்பு பூஜை நடந்து மூலவருக்கு அபிஷேகம் நடந்தது. பின்னர் சந்தனக்காப்பு அலங்காரத்தில் யோக பைரவர் அருள்பாலித்தார். தொடர்ந்து நடந்த சிறப்பு தீபாராதனையை பக்தர்கள் தரிசித்தனர்.