அன்னூர்: மொண்டிபாளையம் பெருமாள் கோவிலில் இன்று புரட்டாசி திருவிழா நடக்கிறது. மேலத் திருப்பதி என்று அழைக்கப்படும் மொண்டிபாளையம், வெங்கடேச பெருமாள் கோவிலில், புரட்டாசி திருவிழா பிரசித்தி பெற்றது. புரட்டாசி மாதம் ஆறு சனிக்கிழமைகளில் திருவிழா நடக்கிறது. ஆறாவது சனிக்கிழமையான இன்று அதிகாலை 5:00 மணிக்கு திருமஞ்சனம் நடக்கிறது, இதையடுத்து, அபிஷேக பூஜை அலங்கார பூஜை நடக்கிறது. இரவு 7:30 மணிக்கு கருட வாகனத்தில், ஸ்ரீதேவி, பூதேவி சமேதரராக வெங்கடேச பெருமாள் திருவீதி உலா நடக்கிறது. இன்றுடன் புரட்டாசி திருவிழா நிறைவு பெறுகிறது.