செஞ்சி: செஞ்சி சுப்பிரமணியர் கோவிலில் உலக நன்மைக்காக சிறப்பு யாகம் நடந்தது.

செஞ்சி சிறுகடம்பூர் கொத்தமங்லகம் சாலை வள்ளி தெய்வானை சமேத சுப்பிரமணியர் கோவிலில் உலக மக்கள் நன்மைக்காக சைவ நெறி தமிழ் முறை ஞானவேள்வி பூஜை நடந்தது. இதை முன்னிட்டு வள்ளி தெய்வானை சுப்பிரமணியருக்கு சிறப்பு அபிஷேகம், அலங்கரம் செய்தனர். கும்பம் அமைத்து மகா வேள்வி நடந்தது. சிவனடியார்கள் யாக வேள்வி நடத்தினர். திருமுருகன் சுவாமிகள் முன்னிலை வகித்தார். இதில் கும்பகோணம் பாலாஜிசுவாமிகள், நாமக்கல் பாலசுப்பிரமணிய சுவாமிகள், மேலச்சேரி கோபி சுவாமிகள், திருக்கோவிலுார் வீரபத்திரன் சுவாமிகள், வந்தவாசி சிவராமன் அடிகளார், கொள்ளார் மோகன் சுவாமிகள் கலந்து கொண்டு அருளாசியும், அருளுரையும் வழங்கினர். பக்தர்களுக்கு அன்னதானம் வழங்கினர். விழா ஏற்பாடுகளை சுப்பிரமணி சுவாமி பக்தர் சபை இளைஞர் குழுவினர் செய்திருந்தனர். இதில் திரளான பக்தர்கள் கலந்து கொண்டனர்.