மயிலாடுதுறை: மயிலாடுதுறையில் கடை முக தீர்த்தவாரியை முன்னிட்டு வரும் 16ம் தேதி உள்ளூர் விடுமுறை அறிவித்து கலெக்டர் உத்தரவிட்டுள்ளார்.

பார்வதி தேவி மயில் உரு கொண்டு சிவபெருமானை பூஜித்து சாபம் நீங்கிய தளமான மயிலாடுதுறை காவிரி துலா கட்டத்தில் ஆண்டுதோறும் ஐப்பசி மாதம் முழுவதும் துலா உற்சவம் நடைபெறுவது வழக்கம். இந்நாளில் கங்கை உள்ளிட்ட புண்ணிய நதிகளும், தேவர்களும் காவிரியில் நீராடி தங்களது பாவங்களை போக்கிக் கொண்டதாக ஐதீகம். இவ்வாண்டு ஐப்பசி 1ம் தேதி தொடங்கி துலா உற்சவம் நடைபெற்று வருகிறது. துலா உற்சவத்தின் முக்கிய விழாவான கடைமுக தீர்த்தவாரி வரும் 16ம் தேதி நடைபெறுகிறது. இதனை முன்னிட்டு மயிலாடுதுறை மாவட்டத்திற்கு உள்ளூர் விடுமுறை அளித்து மாவட்ட கலெக்டர் லலிதா உத்தரவிட்டுள்ளார்.