ஸ்ரீ காளஹஸ்தி: திருப்பதி மாவட்டம் ஸ்ரீ காளஹஸ்தி சிவன் கோயில் அருகில் உள்ள சொர்ணமுகி ஆற்றிற்கு ஆண்டுதோறும் புஷ்கரம் விழா நடைபெறும். வழக்கமாக நதிகளுக்கு 12 ஆண்டுகளுக்கு ஒரு முறை புஷ்கரம் நடத்துவது வழக்கம் . ஆனால் ஜீவ நதியான சொர்ணமுகி ஆற்றிற்கு ஒவ்வொரு ஆண்டும் புஷ்கரம் என்பது போல்  கடந்த 2019 ஆம் ஆண்டு முதன்முறையாக  சொர்ணமுகி ஆற்றிற்கு ஜல ஆரத்தி  எனப்படும்  காசியில் கங்கை நதிக்கு நதியை போற்றும் வகையில் மாலை பொழுதில் எடுக்கும் மகாதீபாராதனையை போல் இங்கு சொர்ணமுகி ஆற்றிற்கு (ஜல ஆரத்தி) சொர்ணமுகி ஆற்றிற்கு மகா தீபாரதனை நேற்று (22ம் தேதி) மாத சிவராத்திரி என்பதாலும் தெலுங்கு கார்த்திகை மாதத்தின் இறுதி நாள் என்பதாலும் மாலை ஏழு மணி முதல் மகா தீபாரதணைகளை  கோயில் வேத பண்டிதர்களால் நடத்தப்பட்டது.

இதற்காக கோயில் நிர்வாகம் மற்றும் அறங்காவலர் குழு ஒருங்கிணைந்து சிறப்பு ஏற்பாடுகளை செய்யப்பட்டிருந்தனர். ஸ்ரீ காளஹஸ்தி அதன் சுற்றியுள்ள பகுதிகளில் இருந்து நூற்றுக்கணக்கான பக்தர்கள் மகா ஆரத்தி காண்பதற்காக திரண்டு வந்ததால் பக்தர்களுக்கு தேவையான அனைத்து ஏற்பாடுகளையும் செய்யப்பட்டிருந்தனர். கடந்த 2019 ஆம் ஆண்டு தொடங்கப்பட்ட இந்த சொர்ணமுகி (கங்கா நதி ஆரத்திகள்) போன்று இங்கு சொர்ணமுகி ஆற்றிற்கு ஆரத்தி நிகழ்ச்சி ஏற்பாடு செய்தனர் .ஆனால் கடந்த இரண்டு ஆண்டுகள் கொரோனா தொற்று பரவல் காரணமாக தற்காலிகமாக நிறுத்தப்பட்டு இருந்ததை தொடர்ந்து இவ்வாண்டு 22.11. 2022 ஆம் ஆண்டு முதல் இனி வரும் ஆண்டுகளிலும் தொடர்ந்து நடத்தப்படும் என்று ஸ்ரீ காளஹஸ்தி எம்எல்ஏ மதுசூதன் ரெட்டி தெரிவித்தார் .மாலை 7 மணிக்கு தொடங்கிய சொர்ணமுகி ஆரத்தி நிகழ்ச்சி 2 மணி நேரம் 9 மணி வரை தொடர்ந்து நடைபெற்றது. முன்னதாக கோயில் வேத பண்டிதர்கள் சொர்ணமுகி ஆற்றிற்கு சாஸ்திர பூர்வமாக சிறப்பு பூஜைகள் நடத்தியதோடு சொர்ணமுகி  ஆற்றில் நெய் தீபங்களை விட்டனர் . ஆற்றில் தண்ணீர் செல்கையில் எந்தவித அசம்பாவித சம்பவங்களும் நடக்காமல் சொன்னமுகி நதியை வேண்டினர் ஒவ்வொரு மழை காலத்தின் போதும்  அமைதியாக சாந்தமாக நீர் செல்ல வேண்டும் என்று பிரார்த்தனை செய்தனர். அதேபோல் விவசாய பயிர்கள் நன்றாக விளைந்து விவசாயிகளை  சந்தோஷமடைய வேண்டுமென்றும் வேண்டினர் . மேலும் கோயில் வேத பண்டிதர்கள் சிறப்பு பூஜைகளை தொடர்ந்து பெண் பக்தர்கள் சொன்னமுகி ஆற்றில் கார்த்திகை தீபங்களை ஏற்றி வழிபட்டனர். இதில் ஸ்ரீ காளஹஸ்தி தொகுதி எம்எல்ஏ மது சூதன் ரெட்டி சிவன் கோயில் அறங்காவலர் குழு தலைவர் அஞ்சுரு தாரக சீனிவாசலு கோயில் நிர்வாக அதிகாரி கே.வி .சாகர் பாபு மற்றும் துணை நிர்வாக அதிகாரி கிருஷ்ணா ரெட்டி  அதிகாரிகள் உட்பட  நூற்றுக்கணக்கான பக்தர்கள் கலந்து கொண்டு அருள்பெற்றனர் என்பது குறிப்பிடத்தக்கது.