மானாமதுரை: இடைக்காட்டூரில் உள்ள இடைக்காடர் சித்தர் கோயிலில் நடைபெற்ற சிறப்பு யாகத்தில் ரஜினி ரசிகர்கள் உள்பட பக்தர்கள் ஏராளமானோர் கலந்து கொண்டனர்.

சிவகங்கை மாவட்டம் மானாமதுரை அருகே இடைக்காட்டூரில் உள்ள இடைக்காடர் சித்தர் கோயில் மிகவும் புகழ்பெற்ற தலமாகும். இக்கோயிலில் மாதந்தோறும் பவுர்ணமியன்று சிறப்பு யாகம் நடைபெறுவது வழக்கம்.இந்நிலையில் வருகிற 12ம் தேதி நடிகர் ரஜினிகாந்த் பிறந்த நாள் வருவதையொட்டி சூப்பர் ஸ்டார் மக்கள் கழகம் மற்றும் ரஜினி மக்கள் மன்றம் சார்பில் அவர் நீடூழி வாழ வேண்டியும், அரசியலுக்கு வர வேண்டியும், ரஜினி நடிக்கும் படங்கள் வெற்றி பெற வேண்டியும் சூப்பர் ஸ்டார் மக்கள் கழக பொதுச்செயலாளர் முருகேசன்,மாநில ஒருங்கிணைப்பாளர் செந்தில்வேல், மக்கள் மன்ற மாவட்ட செயலாளர் ராமேஸ்வரன், ஒருங்கிணைப்பாளர் கல்லல் ரவிக்குமார் ஆகியோர் தலைமையில் சிறப்பு யாகம் நடத்தப்பட்டது. இதனைத் தொடர்ந்து இடைக்காடர் சுவாமிகளுக்கு சிறப்பு அபிஷேக,ஆராதனைகள் நடத்தப்பட்டு சுவாமிக்கு சிறப்பு அலங்காரம் நடைபெற்றன.பின்னர் அன்னதானம் நடைபெற்றது.இந்நிகழ்ச்சியில் சூப்பர் ஸ்டார் மக்கள் கழக மாவட்ட அமைப்பாளர் கருப்புசாமி, மாவட்ட செயலாளர் சகுபர் சாதிக், , ரஜினி மக்கள் மன்ற நிர்வாகிகள் ஆறுமுகம்,ராஜா உள்பட ஏராளமான ரசிகர்கள், சுற்றுவட்டார பகுதிகளைச் சேர்ந்த பக்தர்கள்கலந்து கொண்டனர்.