ஆலாந்துறை: செம்மேட்டில், கார்த்திகை மாத ஐயப்ப சுவாமி விளக்கு பூஜை வெகு சிறப்பாக நடந்தது.

செம்மேட்டில் ஊர் பொதுமக்கள் சார்பில், கார்த்திகை மாத ஐயப்ப சுவாமி விளக்கு பூஜை நேற்று நடந்தது. நேற்று மாலை, 4:30 மணிக்கு, நொஞ்சல் ஆற்றங்கரையில் உள்ள ஸ்ரீ வல்லப கணபதி கோவிலிலிருந்து, முத்து மாரியம்மன் கோவில் வளாகத்திற்கு, ஐயப்ப சுவாமி உற்சவர் ஊர்வலமாக கொண்டுவரப்பட்டது. அதனைத்தொடர்ந்து மாலை, 6:00 மணிக்கு, திருவிளக்கு வழிபாடு நடந்தது. இதில், ஊர் பொதுமக்கள், விளக்கேற்றி பூஜை செய்து ஐயப்ப பஜனை செய்தனர். அதன்பின், ஐயப்ப சுவாமிக்கு சிறப்பு அபிஷேக, அலங்கார பூஜை நடந்தது. இரவு, அன்னதானம் வழங்கப்பட்டது. இந்த நிகழ்ச்சியில், ஏராளமான பக்தர்கள் கலந்து கொண்டனர்.