பழநி : பழநி மலை முருகன் கோயில் சென்று வர பயன்படும் வின்ச் சேவைக்கு புதிய பெட்டிகள் வந்துள்ளன.

பழநி கோயில் சென்று வர படிப்பாதை, யானை பாதை உள்ளது. இதோடு ரோப் கார், வின்ச் சேவைகள் உள்ளன. தற்போது மூன்று வின்ச் பாதைகள் மலைக்கோயில் சென்று வர செயல்பாட்டில் உள்ளன. இதில் 7 நிமிடம் முதல் 10 நிமிடங்களுக்குள் 36 பேர் சென்று வரலாம். அறங்காவலர் குழு தலைவர் சந்திரமோகன் சார்பில் புதிய இரண்டு வின்ச் பெட்டிகள் சென்னையில் தயாரிக்கப்பட்டு நேற்று கொண்டுவரப்பட்டது. இதில் ஒரு நேரத்தில் 72 பேர் சென்று வர முடியும். பாதுகாப்பு சோதனைகள் நடத்தப்பட்டு முறையான அனுமதி பெற்ற பின், பழைய பெட்டிகள் மாற்றப்பட்டு இந்த பெட்டிகள் இணைக்கப்பட உள்ளன. இதை உணவுத்துறை அமைச்சர் சக்கரபாணி, எம்.எல்.ஏ.,செந்தில்குமார், இணை ஆணையர் நடராஜன், அறங்காவலர் குழு தலைவர் சந்திரமோகன் பார்வையிட்டனர்.