பழநி: பழநி மலைக்கோயில் செல்ல முக்கிய நபர்கள் அதிக அளவில் வந்ததால் ரோப் காரில் பக்தர்கள் சிரமம் அடைந்தனர். பழநி மலைக்கோயில் கும்பாபிஷேகத்தை முன்னிட்டு நேற்று மாலை மிக முக்கிய நபர்கள் அதிக அளவில் மலைக் கோயிலுக்கு வந்தனர். அவர்கள் அனைவரும் வேள்விச்சாலை மற்றும் வெளிப்பிரகாரங்களில் தரிசனம் செய்ய சென்றனர். அவர்கள் அதிக அளவில் ரோப் கார் மூலம் மலைக்கோயில் செல்ல குவிந்ததால் நேற்று மாலை நேரத்தில் அதிக அளவில் ரோப் காரில் கூட்டம் இருந்தது‌. இதனால் சில இடங்களில் தள்ளுமுள்ளு ஏற்பட்டது. பழநி ரோப் கார் ஊழியர்கள் மற்றும் பணியாளர்கள் முக்கிய நபர்கள் வந்ததால் பக்தர்களை ரோட்காரில் ஏற்ற முடியாமல் விழி பிதுங்கி நின்றனர். பக்தர்கள் சிரமம் அடைந்தனர்.