காரைக்குடி: காரைக்குடி பர்மா காலனியில் உள்ள சக்தி வீரமா காளியம்மன் கோயில் திருவிழாவை முன்னிட்டு அரிவாள் மீது ஏறி நின்று சாமி குறி சொல்லும் நிகழ்ச்சி நடந்தது.

காரைக்குடி பர்மா காலனியில் உள்ள சக்தி வீரமா காளியம்மன் கோயிலில் ஆண்டுதோறும் மாசி மாத திருவிழா நடைபெறும். இவ்வாண்டு, திருவிழா கடந்த பிப். 14-ஆம் தேதி கொடியேற்றம் மற்றும் காப்பு கட்டுதல் நிகழ்ச்சியுடன் தொடங்கியது. தொடர்ந்து சிறப்பு அபிஷேக ஆராதனைகள் நடந்தது. தொடர்ந்து மது முளைப்பாரியுடன் சக்தி வீரமா காளி பவனி வரும் காட்சியும், திருவீதி உலாவும் நடந்தது. நேற்று இரவு, அரிவாள் ஏணியில் சாமியார் நின்று பக்தர்களுக்கு அருள்வாக்கு கூறும் நிகழ்ச்சி நடந்தது. இன்று காலை ஏராளமான பக்தர்கள் பால்குடம், அக்னிச்சட்டி எடுத்தும் பறவைக்காவடி எடுத்தும் நேர்த்திக்கடன் செலுத்தினர்.