விழுப்புரம் : விழுப்புரம் வண்டிமேடு தேவி நகர் அங்காளபரமேஸ்வரி அம்மன் கோவிலில் 31ம் ஆண்டு மாசி உற்சவ விழா நடந்தது.

விழாவையொட்டி, கடந்த 17ம் தேதி வினாயகர் பூஜை, சிறப்பு அபிஷேகம் மற்றும் 18ம் தேதி மகா சிவராத்திரியை முன்னிட்டு காலை சிறப்பு அபிஷேகம், தன்வந்திரி விளக்கு பூஜை, பூங்கரகம் எடுத்து வருதல் நடந்தது. தொடர்ந்து 19ம் தேதி மாசி அமாவாசையை முன்னிட்டு அம்மனுக்கு சிறப்பு அபிஷேகம், கஞ்சிவார்த்தல், பால்குடம் எடுத்து வருதல், மகா தீபாராதனை, கும்பம் படைத்தல், அம்மன் வீதியுலா நடந்தது. இதையடுத்து, 20ம் தேதி காலை 10:00 மணிக்கு மஞ்சள் நீராட்டு விழா நடந்தது. இதில், ஏராளமான பொதுமக்கள் கலந்து கொண்டு சுவாமி தரிசனம் செய்தனர். ஏற்பாடுகளை கோவில் நிர்வாகி நிர்மலா செய்திருந்தார்.