திருச்சுழி: திருச்சுழி கோயிலில் குத்து விளக்கு பூஜை நடந்தது. திருச்சுழி மாரியம்மன் கோயிலில் மாசி திருவிழா பிப். 23 இரவு கொடியேற்றத்துடன் துவங்கியது. தொடர்ந்து 10 நாட்கள் நடக்கும் விழாவில் அம்மன் தினமும் சிறப்பு அலங்காரங்களுடன் பக்தர்களுக்கு பல்வேறு வாகனங்களில் வந்து அருள் பாலிப்பார். நேற்று கோயில் விளையாட்டு மன்றம் சார்பில் ஆயிரத்து 8 திருவிளக்கு பூஜை நடந்தது. திருச்சுழியை சுற்றியுள்ள கிராமங்களை சேர்ந்த ஆயிரத்திற்கும் மேற்பட்ட பெண்கள் பூஜையில் கலந்து கொண்டு அம்மனை தரிசனம் செய்தனர். ஏற்பாடுகளை கோயில் நிர்வாகத்தினர் செய்து வருகின்றனர்.