சோமனூர்: ராமாச்சியம்பாளையம் மாகாளியம்மன் கோவிலில் திருக்கல்யாண உற்சவ விழாவை ஒட்டி கம்பம் நடப்பட்டது.

சோமனூர் அடுத்த ராமாச்சியம்பாளையம் மாகாளியம்மன் கோவில் பிரசித்தி பெற்றது. இங்கு, கடந்த, 21 ம்தேதி பூச்சாட்டுதலுடன் திருக்கல்யாண உற்சவ திருவிழா துவங்கியது. நேற்று முன்தினம் இரவு கம்பம் நடும் விழா நடந்தது. தொடர்ந்து, பக்தர்கள் கம்பம் சுற்றி ஆடினர். நேற்று அம்மனுக்கு அபிஷேகம் மற்றும் பக்தர்கள் பூவோடு எடுத்து ஆடினர். வரும், 6 ம்தேதி விநாயகர் மற்றும் கருப்பராயன் பொங்கல் வைத்தலும், 8 ம்தேதி அதிகாலை அம்மன் அழைத்தல், மாவிளக்கு எடுத்தலும் நடக்கிறது. தொடர்ந்து, அம்மனுக்கு திருக்கல்யாண உற்சவம் நடக்கிறது. தொடர்ந்து அம்மனுக்கு பொங்கல் வைத்து வழிபாடு நடக்கிறது.