சாணார்பட்டி, சாணார்பட்டி அருகே மேட்டுக்கடை பிரம்ம குமாரிகளின் சக்தி சரோவர் தபோவனத்தில் 87வது மகா சிவராத்திரியை முன்னிட்டு தீப தியான விழா நடந்தது .

இந்நிகழ்ச்சியில் முன்னாள் அமைச்சர் நத்தம் விசுவநாதன் எம்.எல்.ஏ., கௌரவ விருந்தினராக கலந்து கொண்டு விழாவை தொடங்கி வைத்தார். மதுரை துணை மண்டல ஒருங்கிணைப்பாளர் பிரம்மா குமாரி உமா வரவேற்றார். சபையின் ராஜஸ்தான் மாநில துணைத்தலைவர் ஜெயக்குமார் வாழ்த்துரை வழங்கினார். மதுரை சபையின் மூத்த ராஜயோக ஆசிரியை பிரம்ம குமாரி செந்தாமரை தீப தியானத்தை தொடங்கி வைத்தார். இந்த விழாவில் நூற்றுக்கும் மேற்பட்ட தம்பதியினர் தீப விளக்குகள் ஏற்றி தியானம் செய்தனர். பிரம்மா குமாரி ராணி நன்றி கூறினார். இதில் நத்தம் ராம்சன்ஸ் பள்ளியின் நிறுவனர் ராமசாமி உள்ளிட்ட ஏராளமானோர் கலந்து கொண்டனர்.