பெ.நா.பாளையம்: யுகாதி பண்டிகையையொட்டி நரசிம்மநாயக்கன்பாளையம் வரசித்தி விநாயகர் கோவிலில் சிறப்பு பூஜை நடந்தது. இதில், திரளான பக்தர்கள் கலந்து கொண்டனர்.

நரசிம்மநாயக்கன்பாளையம் பஸ் ஸ்டாண்டில் வரசித்தி விநாயகர் கோவில் உள்ளது. யுகாதி பண்டிகையையொட்டி கோவிலில் நேற்று அதிகாலை சிறப்பு பூஜை, அபிஷேக ஆராதனைகள் நடந்தன. விழாவையொட்டி பரிவார மூர்த்திகளுக்கும் சிறப்பு பூஜைகள் நடந்தன. திரளான பக்தர்கள் கலந்து கொண்டனர். இதே போல, பெரியநாயக்கன்பாளையம் அருகே புதுப்புதூரில் உள்ள ஆதிமூர்த்தி பெருமாள் கோவில், பெரியநாயக்கன்பாளையம் கரி வரதராஜ பெருமாள் கோவில், நாயக்கன்பாளையம் கரிவரதராஜ பெருமாள் கோவில், நாயக்கனூரில் உள்ள லட்சுமி நரசிங்க பெருமாள் கோவில், நரசிம்மநாயக்கன்பாளையம் லட்சுமி நரசிம்ம பெருமாள், ராவுத்துக்கொல்லனூர் உலகளந்த பெருமாள் கோவில், இடிகரை பள்ளிகொண்ட ரங்கநாதர் கோவில் உள்ளிட்ட பல்வேறு கோவில்களில் சிறப்பு பூஜைகள், அபிஷேக ஆராதனைகள் நடந்தன. வீடுகளில் வேப்பம்பூ, வாழைப்பழம், கரும்பு சர்க்கரை கலந்து படையல் இட்டு பக்தர்கள் இறைவனை வழிபட்டனர்.