மறைமலை நகர்:சிங்கபெருமாள் கோவில் அடுத்த செட்டிபுண்ணியம் கிராமத்தில், பழமையான தேவநாத பெருமாள் கோவில், யோக ஹயக்ரீவர் -- செண்பகவல்லி தாயார் கோவில் உள்ளது. இந்த கோவிலின் கோதண்டராமர் - சீதா, லட்சுமணன் சன்னிதி உள்ளது. நேற்று ராம நவமியை முன்னிட்டு, காலை 11:00 மணிக்கு, உற்சவருக்கு சிறப்பு அபிஷேகம் மற்றும் அர்ச்சனைகள் நடந்தன. நேற்று மாலை, உற்சவர் கோதண்டராமர் உடனுறை சீதா, லட்சுமணன், ஆஞ்சநேயர் ஆகியோர், வேத பாராயணம் மற்றும் மங்கல வாத்தியம் முழங்க, நான்கு மாட வீதிகளில் வலம் வந்து கோவிலை அடைந்தனர்.