சிதம்பரம் : பிரசித்தி பெற்ற சிதம்பரம் அருள்மிரு தில்லைக்காளியம்மன் கோயிலில் உண்டியல் திறந்து எண்ணப்பட்டதில் 9 லட்சத்து 12 ஆயிரத்து 84 ரூபாய் காணிக்கையாக கிடைத்துள்ளது.

இந்து அறநிலையத்துறை உதவி ஆணையர் சந்திரன், செயல் அலுவலர் (பொறுப்பு) வேல்விழி ஆகியோர் முன்னிலையில் நேற்று கோயில் வளாகத்தில் உள்ள 5 உண்டியல் திறந்து எண்ணப்பட்டது. கோயில் அலுவலர்கள் மற்றும் வங்கி ஊழியர்கள் உண்டியல் எண்ணும் பணியில் ஈடுபட்டனர். உண்டியல் திறந்து எண்ணப்பட்டதில் 9 லட்சத்து 12 ஆயிரத்து 84 ரூபாய் கிடைத்தது. மேலும் உண்டியலில் பக்தர்கள் செலுத்திய தங்கம் 19-கிராம். வெள்ளி 49 கிராம் கிடைத்துள்ளது. அது மட்டுமின்றி மலேசிய பணம் 14 ரூபாயும், கனடா ஒரு டாலர், ஸ்ரீலங்கா 100 ரூபாயும், திராம்ஸ் பத்து ரூபாயும், சிங்கப்பூர் டாலர் பத்து ரூபாய், அமெரிக்க டாலர் 15 ரூபாயும் உண்டியலில் காணிக்கையாக பெறப் பட்டது.