பெ.நா.பாளையம்: பெரியநாயக்கன்பாளையம் கரி வரதராஜ பெருமாள் கோவில் பிரம்மோற்சவ விழாவையொட்டி, முத்துபந்தல் அலங்காரத்தில் பெருமாள் எழுந்தருளி, பக்தர்களுக்கு அருள்பாலித்தார். பெரியநாயக்கன்பாளையத்தில் உள்ள கரிவரதராஜ பெருமாள் கோவிலில், 18ம் ஆண்டு பிரம்மோற்சவ விழா தொடங்கி நடந்து வருகிறது. நேற்று மாலை பூதேவி, ஸ்ரீதேவியுடன் பெருமாள் முத்துபந்தல் அலங்காரத்தில் எழுந்தருளி, பக்தர்களுக்கு அருள் பாலித்தார். இன்று மாலை, 6:00 மணிக்கு அனுமந்த வாகனத்தில், ஸ்ரீராமர் அலங்காரத்தில், பெருமாள் எழுந்தருளி, அருள்பாலிக்கிறார். விழா ஏற்பாடுகளை, கரிவரதராஜ பெருமாள் கோயில் அறங்காவலர்கள் குழு செய்து வருகிறது.