நெற்குப்பை: திருப்புத்தூர் அருகே கீரணிப்பட்டி முத்துமாரியம்மன் கோயில் பங்குனி மகோற்ஸவம் காப்புக்கட்டுதலுடன் துவங்கியது. ஏப்.17 ல் தேரோட்டம் நடைபெறும்.

இளையாத்தக்குடி கைலாசநாத சுவாமி நித்ய கல்யாணி அம்மன் தேவஸ்தானத்தைச் சேர்ந்த இக்கோயிலில் பத்துநாள் பங்குனி மாதத்தில் பத்து நாட்கள் மகோத்ஸவம் நடைபெறும். நேற்று முன்தினம் மாலை உற்ஸவ அம்மன் வெள்ளி சிம்ம வாகனத்தில் இளையாத்தக்குடியிலிருந்து புறப்பாடாகி, கீரணிப்பட்டிக் கோயிலில் எழுந்தருளினர். தொடர்ந்து சிறப்பு பூஜைகள் நடந்து இரவு காப்புக்கட்டி உத்ஸவம் துவங்கியது. அம்மன் திருவீதி வலம் வந்து பக்தர்கள் தரிசித்தனர். தொடர்ந்து தினசரி வெள்ளி ரிஷப, அன்னம், சிம்ம வாகனம்,குதிரை வாகனங்களில் அம்மன் திருவீதி உலா நடைபெறும். ஏப். ஆறாம் திருநாளில் மாலையில் ஊஞ்சல்,வெள்ளி ரிஷப வாகனப்புறப்பாடும் நடைபெறும். ஏப்.15 ல் புஸ்ப ப ல்லாக்கு, ஏப்.,16,18 நாட்களில் காலையிலும் அம்மன் புறப்பாடு் நடைபெறும். ஏப்.,17 ல் தேரோட்டமும் நடைபெறும். நிறைவு நாளில் அம்மன் இளையாத்தக்குடிக்கு புறப்பாடாகும்.