கோவில்பாளையம்: கோவில்பாளையம், காலகாலேஸ்வரர் கோவிலில், குரு பெயர்ச்சியை முன்னிட்டு லட்சார்ச்சனை விழா நடக்கிறது.

கோவில்பாளையம், காலகாலேஸ்வரர் கோவில் கொங்கு நாட்டு திருக்கடையூர் என்று அழைக்கப்படுகிறது. இது குரு பரிகார ஸ்தலம். பாடல் பெற்றது. இக்கோவிலில் குரு பெயர்ச்சியை முன்னிட்டு லட்சார்ச்சனை நடக்கிறது. வருகிற 22ம் தேதி இரவு 9:00 மணிக்கு யாக பூஜைகள் துவங்குகின்றன, இரவு 11:26 மணிக்கு குரு பெயர்ச்சி, மகா பூர்ணாகுதி, தீபாராதனை நடக்கிறது. தட்சிணாமூர்த்திக்கு சிறப்பு அபிஷேகம், கலசபிஷேகம், அலங்கார பூஜை நடக்கிறது. 23 மற்றும் 24 ம் தேதி காலை 8:30 முதல் 12:30 மணி வரையும், மாலை 4 :00 முதல் இரவு 7:00 மணி வரையும் லட்சார்ச்சனை நடக்கிறது. ‘லட்சார்ச்சனலயில் பங்கேற்போருக்கு சுவாமி படம், வெள்ளி டாலர் உள்ளிட்ட பிரசாத பை வழங்கப்படுகிறது. பங்கேற்க விரும்புவோர் 0422 - 2654546 என்னும் தொலைபேசி எண்ணில் முன்பதிவு செய்யலாம்,‘ என செயல் அலுவலர் அருண் பிரகாஷ் தெரிவித்துள்ளார்.