பெரியகுளம்: பெரியகுளம் போலீஸ்காரர்களின் குடும்பத்தினர் காவல் தெய்வமான வீச்சு கருப்பணசாமி கோயில் சித்திரை திருவிழா சாட்டுதலுடன் கோலாகலமாக துவங்கியது.

பெரியகுளம் தென்கரை கச்சேரி ரோட்டில் வீச்சுருப்பணசாமி கோயில் உள்ளது. பெரியகுளம் சப்-டிவிஷனுக்கு உட்பட்ட காவல்துறை குடும்பங்களுக்கு பாத்தியப்பட்ட கோயில். போலீஸ் ஸ்டேஷனில் பணிக்கு வரும் டி.எஸ்.பி., முதல் போலீஸ்காரர்கள் வரை வீச்சு கருப்பணசுவாமி கோயிலில் பொங்கல் வைத்து பணியை தொடர்கின்றனர். போலீசார்களுக்கு காவல் தெய்வமாக துணை நிற்பதாக ஐதீகம். நேர்த்திக்கடன் நிறைவேறியவுடன் அரிவாள் செய்தும், கிடா வெட்டி வழிபடுகின்றனர்.

திருவிழா: சித்திரை திருவிழா சாட்டுதல் நிகழ்ச்சி நடந்தது. மே 2ல் கரகம் எடுத்தல், மே 3ல் பொங்கல் வைத்தல், மே 4 ல் முளைப்பாரி என மூன்று நாட்கள் திருவிழா கோலாகலமாக கொண்டாடப்படும் ‌. மே 9ல் மறுபூஜை நடைபெறும். இதில் தேனி மாவட்ட போலீசார்கள்‌ மற்றும் பக்தர்கள் ‌ பங்கேற்பர். பூஜைகளை பூசாரிகள் முருகன், வினோத் மற்றும் ஏற்பாடுகளை காவல்துறை விழா கமிட்டியினர் செய்து வருகின்றனர்.