ஸ்ரீவில்லிபுத்தூர்: ஸ்ரீவில்லிபுத்தூர் சந்தன மாரியம்மன் கோயிலில் நேற்று நடந்த பூக்குழி திருவிழாவில் ஏராளமான பக்தர்கள் பூக்குழி இறங்கி நேர்த்திக்கடன் செலுத்தினர். இக்கோயிலில் கடந்த ஏப்ரல் 8 அன்று கொடியேற்றத்துடன் பூக்குழி திருவிழா துவங்கியது. தினமும் சிறப்பு அலங்காரத்தில் அம்மன், இரவு வீதியுலா எழுந்தருளினார். 12ஆம் திருவிழா நாளான நேற்று மதியம் 3:30 மணிக்கு பக்தர்கள் பூக்குழி இறங்கும் நிகழ்ச்சி துவங்கியது. முன்னதாக பக்தர்கள் நகரின் முக்கிய வீதிகளில் வலம் வந்து சந்தன மாரியம்மனை தரிசித்தனர். ஏராளமான பக்தர்கள் பூக்குழி இறங்கி தங்கள் நேர்த்திக்கடன் நிறைவேற்றினர். கோயிலில் இருந்து மதியம் 2:00 மணிக்கு புறப்பட்டு, நகரின் முக்கிய வீதியில் வழியாக எழுந்தருளிய சந்தன மாரியம்மனை பக்தர்கள் தரிசனம் செய்தனர். ஏற்பாடுகளை விழா கமிட்டினர் செய்திருந்தனர். ஸ்ரீவில்லிபுத்தூர் டவுண் போலீசார் பாதுகாப்பு பணியில் ஈடுபட்டனர்.