கோவில்பாளையம்: அக்ரஹார சாமக்குளம் விளையாட்டு மாரியம்மன் கோவில் கும்பாபிஷேக விழா நாளை துவங்குகிறது.

அக்ரஹார சாமக்குளத்தில், பழமையான விளையாட்டு மாரியம்மன் கோவிலில், கும்பாபிஷேகம் முடிந்து, 12 ஆண்டுகள் முடித்து உள்ளது. இதையடுத்து முன் மண்டபம் அமைத்தல் உள்ளிட்ட திருப்பணிகள் செய்யப்பட்டன. கும்பாபிஷேக விழா 22ம் தேதி காலை 8:30 மணிக்கு விநாயகர் பூஜையுடன் துவங்குகிறது. கணபதி ஹோமம் நடக்கிறது. மாலையில் முதற்கால வேள்வி பூஜை நடக்கிறது. வரும் 23ம் தேதி காலை 8:30 மணிக்கு இரண்டாம் கால வேள்வி பூஜையும், கோபுர கலசம் நிறுவுதலும், எண் வகை மருந்து சாத்துதலும் நடக்கிறது. மாலையில் மூன்றாம் கால வேள்வி பூஜை நடக்கிறது. வருகிற 24ம் தேதி காலை 9:30 மணிக்கு விளையாட்டு மாரியம்மன் மற்றும் பரிவார தெய்வங்களுக்கு புனித நீர் ஊற்றி கும்பாபிஷேகம் செய்யப்படுகிறது. சிரவை ஆதினம் குமரகுருபர சுவாமிகள் அருளுரை வழங்குகிறார். இதையடுத்து அபிஷேக பூஜை, அலங்கார பூஜை, தீபாராதனை நடைபெறுகிறது.