காரைக்கால் : காரைக்கால் தலத்தெரு தங்கமாரியம்மன் கோவிலில் சித்திரை திருவிழாவை முன்னிட்டு அம்மன் சிம்ம வாகனத்தில் வீதியுலா நடைபெற்றது. காரைக்கால் அடுத்த திருதெளிச்சேரி எனும் தலத்தெரு பகுதியில் உள்ள தங்கமாரியம்மன் கோவிலில் சித்திரை திருவிழா கடந்த 23ம் தேதி கொடியேற்றத்துடன் துவுங்கியது. நேற்று முன்தினம் அம்மனுக்கு சிறப்பு அபிஷேக ஆராதனைகள் நடைபெற்றது. அதனைத் தொடர்ந்து வண்ண மலர்களால் அலங்கரிக்கப்பட்ட தங்க மாரியம்மன் சிம்ம வாகனத்தில் வீதியுலா வந்து அருள் பாலித்தார். முன்னதாக மூலவர் சந்தன காப்பு அலங்காரத்தில் பக்தர்களுக்கு அருள்பலித்தார். முக்கிய நிகழ்ச்சியான தீமிதி திருவிழா வரும் 1ம் தேதி நடக்கிறது.