அவிநாசி: அவிநாசி வட்டம்,ராக்கியாபாளையத்தில் எழுந்தருளியுள்ள காமாட்சி அம்மன் கோவிலில் பொங்கல் விழா நடைபெற்றது.

அவிநாசி அடுத்த ராக்கியாபாளையத்தில் எழுந்தருளியுள்ள காமாட்சி அம்மன் கோவிலில் கடந்த 3ம் தேதி பொரி மாற்றுதல், 4ம் தேதி காப்பு கட்டுதல், படைக்கலம் எடுத்தல்,அம்மை அழைத்தல் நிகழ்ச்சிகளுடன் பொங்கல் விழா தொடங்கியது. நேற்று நூற்றுக்கும் மேற்பட்ட பெண்கள் சித்ரா பௌர்ணமியை முன்னிட்டு அங்குள்ள மைதானத்தில் இருந்து மாவிளக்கு எடுத்து கோவிலுக்கு வந்தனர் அதன் பிறகு அம்மனுக்கு பொங்கல் வைக்கும் நிகழ்ச்சி நடைபெற்றது. அதனைத் தொடர்ந்து அலகு குத்துதல் பக்தர்களுக்கு நடைபெற்றது. இன்று மஞ்சள் நீராட்டு,அலங்கார பூஜையுடன் பொங்கல் விழா நிறைவு பெறுகின்றது. திருக்கோவில் நிர்வாகம் மற்றும் ஊர் பொதுமக்கள் சார்பில் பக்தர்களுக்கு அன்னதானம் வழங்கப்பட்டது.