கீரனூர்: பழநி, கோயில் நிர்வாகத்தின் கட்டுப்பாட்டில் உள்ள கீரனூர், அழகிய சொக்கநாத பெருமாள் கோயில் கும்பாபிஷேகம் நாளை நடைபெற உள்ளது.

பழநி, முருகன் கோயில் நிர்வாகத்தின் கட்டுப்பாட்டில் செயல்படும் கோயில்களில் கீரனூரில் திருமகள், நிலமகள், அழகிய சொக்கநாதர் பெருமாள் திருக்கோயில் உள்ளது. இன்று (மே.10) அதிகாலை 5:00 மணிக்கு முதல் கால வேள்வி பூஜை, நன்மங்கள இசையுடன் துவங்குகிறது. அதில் குரு வணக்கம், புனித நீர் வழிபாடு, காப்பு அணிவித்தல், வேள்விச்சாலை வழிபாடு, திருக்குடங்கள் உலா, நான்மறை ஓதுதல், அமுது படைத்தல், பேரொளி வழிபாடு, மருந்து சாத்துதல், உள்ளிட்ட நிகழ்வுகள் நடைபெற உள்ளது. நாளை (மே.11) இரண்டாம் கால வேள்வி பூஜை, கண் திறத்தல், நிறைவேள்வி, திருக்குடங்கள் உலா, கோபுரங்களுக்கு கும்பாபிஷேகம், காலை 8 மணிக்கு துவங்கி நடைபெற உள்ளது. அதன்பின் நாலாயிர திவ்வியப் பிரபந்த பாராயணம் அமுது படைத்தல், பிரசாதம் வழங்குதல் நடைபெற உள்ளது.