வத்திராயிருப்பு: சதுரகிரி சுந்தரமகாலிங்கம் கோயிலில் வைகாசி மாத பிரதோஷ வழிபாடு சிறப்புடன் நடந்தது. பக்தர்கள் வருகை குறைந்து காணப்பட்டது. இதனை முன்னிட்டு நேற்று காலை 7:00 மணிக்கு வனத்துறை கேட் திறக்கப்பட்டு பக்தர்கள் மலையேற அனுமதிக்கப்பட்டனர். வெயிலின் தாக்கம், முகூர்த்த நாள், கோடை விடுமுறை முடிந்து ஊர் திரும்புதல் உட்பட பல்வேறு காரணங்களால் மதியம் 12 :00 மணி வரை சுமார் 600 க்கும் குறைவான பக்தர்களே மலையேறியதாக வனத்துறையினர் தெரிவித்தனர். கோயிலில் மாலை 4 :30 மணிக்குமேல் சதுரகிரி சுந்தர மகாலிங்கம், சந்தன மகாலிங்கம், சுந்தரமூர்த்தி சுவாமிகளுக்கு பிரதோஷ வழிபாடு பூஜைகளை கோயில் பூசாரிகள் செய்தனர். அப்போது கோயிலில் இருந்த குறைவான பக்தர்கள் சுவாமி தரிசனம் செய்தனர். ஏற்பாடுகளை கோயில் நிர்வாகம் செய்திருந்தது. வத்திராயிருப்பு, சாப்டூர் போலீசார் மற்றும் வனத்துறையினர் பாதுகாப்பு பணியில் ஈடுபட்டனர்.