தமிழகத்தில் சூரியனுக்காக உள்ள ஒரே கோயில் தஞ்சை மாவட்டத்திலுள்ள சூரியனார் கோவில். முதலாம் குலோத்துங்க மன்னரால் கட்டப்பட்டதால் ‘குலோத்துங்க சோழ மார்த்தாண்டாலய தேவர்’ என சூரியன் பெயர் பெற்றார். மேற்கு நோக்கிய சூரிய பகவானுடன் உஷா, பிரத்யுஷா என்னும் தேவியர் உள்ளனர். சூரியன் சன்னதியை சுற்றி மற்ற எட்டு கிரகங்கள் பரிவார தெய்வங்களாக உள்ளன. பூரண சுப கிரகமான குருபகவானின் சன்னதி மட்டும் கருவறைக்கு எதிரில் உள்ளது. தன் நேரடிப் பார்வையால் சூரியனின் உக்கிரம் போக்கி குளிர்விக்கிறார் குருபகவான்.