ஆர்.எஸ்.மங்கலம்: ஆர்.எஸ்.மங்கலம் திரவுபதி அம்மன் கோயில் விழாவை முன்னிட்டு நடைபெற்ற சுபத்திரை திருக்கல்யாண நிகழ்வில் ஏராளமான பக்தர்கள் கலந்து கொண்டு தரிசனம் செய்தனர்.

ஆர்.எஸ்.மங்கலம் திரவுபதி அம்மன் கோயில் விழா, ஜூலை 21ல் கொடியேற்றத்துடன் துவங்கியது. அன்று முதல் தினமும் பல்வேறு கிராம மண்டகப்படி நிகழ்வுகளாக பல்வேறு அபிஷேக ஆராதனைகள் நடைபெற்று வந்தன. தொடர்ச்சியாக நேற்று முன் தினம் இரவில் ஆதிமுத்தன்குடியிருப்பு கிராம மண்டகப்படி நிகழ்வாக, பஞ்சபாண்டவர்களின் வரலாறு நிகழ்வுகள் எடுத்துக் கூறப்பட்டு சுபத்திரை, அர்ச்சுணன் திருக்கல்யாண விழா நடைபெற்றது. தொடர்ந்து, சுமத்திரை அர்சுணனுடன் திருமண கோலத்திலும், அருகில் கருட வாகனத்தில் கிருஷ்ண பகவானும் அமர்ந்தவாறு முக்கிய வீதிகள் வழியாக தேரோட்டம் நடைபெற்றது.