திருப்பதி; கலியுகத்தின் தெய்வமான திருமலை ஸ்ரீ வெங்கடேஸ்வர சுவாமியின் பிரம்மோத்ஸவத்தின் எட்டாவது நாளில் மலையப்பசுவாமி, தங்க குதிரை வாகனத்தில் கல்கி அலங்காரத்தில் பக்தர்களுக்கு காட்சியளித்தார்.

திருப்பதியில் பிரம்மோத்ஸவ விழா சிறப்பாக நடைபெற்று வருகிறது. விழாவில் தினமும் மலையப்பசுவாமி பல்வேறு வாகனங்களில் அருள்பாலித்து வருகிறார். திருமலை ஸ்ரீ வெங்கடேஸ்வர சுவாமியின் பிரம்மோத்ஸவத்தின் எட்டாவது நாளில் தங்க குதிரையில் கல்கி அலங்காரத்தில் பக்தர்களுக்கு காட்சியளித்தார். கஜராஜர் வாகனத்தின் முன் செல்ல, பக்தர்கள் குழுக்கள் பஜனை, வேத மந்திரம் முழங்கி பின் சென்றனர். கல்கி அலங்காரத்தை தரிசனம் செய்தால் கலிதோஷங்கள் யாவும் விலகும் என்பது பக்தர்களின் நம்பிக்கை.