சோமனூர்: சோமனூர் பவர் ஹவுஸ் கார்னர் ஸ்ரீ செல்வ விநாயகர் கோவிலில் மண்டல பூஜை நிறைவு விழா நடந்தது.

சோமனூர் பவர் ஹவுஸ் கார்னரில் உள்ள ஸ்ரீ செல்வ விநாயகர் கோவில் பழமையானது. இங்கு, திருப்பணிகள் முடிந்து, கடந்த, 3 ம்தேதி கும்பாபிஷேகம் நடந்தது. மண்டல பூஜையை ஒட்டி, தினமும் அபிஷேக, அலங்கார பூஜை நடந்தது. 24 வது நாளான இன்று மண்டல பூஜை நிறைவு விழா நடந்தது. புனிதநீர் கலசங்கள் வைத்து, சிறப்பு ஹோமம் நடந்தது. பல்வேறு வாசனை திரவியங்களை கொண்டு பூர்ணாகுதி செய்யப்பட்டது. தொடர்ந்து, ஸ்ரீ செல்வ விநாயகருக்கு, திருமஞ்சனம், பால், தயிர், பஞ்சாமிர்தம், இளநீர் உள்ளிட்ட பொருட்களால், அபிஷேகம் நடந்தது. பின், புனிதநீர் கலசாபிஷேகம் நடந்தது. மகா தீபாராதனைக்கு பின் சிறப்பு அலங்காரத்தில் ஸ்ரீ செல்வ விநாயகர் பக்தர்களுக்கு அருள்பாலித்தார். சுற்றுவட்டாரத்தை சேர்ந்த ஏராளமான பக்தர்கள் பங்கேற்று விநாயகரை வழிபட்டனர். அனைவருக்கும், பிரசாதம், அன்னதானம் வழங்கப்பட்டது.