வடமதுரை; வடமதுரை மீனாட்சி சுந்தரேசுவரர் கோயிலில் கார்த்திகை சோமவாரத்தை முன்னிட்டு 108 சங்காபிஷேகம் நடந்தது. புண்ணிய ஸ்தலங்களில் இருந்து கொண்டு வரபட்ட தீர்த்தங்கள், பன்னீர், சந்தனம், பால் உள்பட 11 வித அபிஷேக பொருட்களை கொண்டு சிவனுக்கு அபிஷேகம் நடந்தது.108 சங்குகள், மலர்கள், வாழை, எலுமிச்சை பழங்கள் வைத்து அலங்கரிப்பட்டு யாக பூஜைகள் நடந்தன. சவுந்தரராஜப் பெருமாள் கோயில் அர்ச்சகர் தேவராஜ் தலைமையிலான குழுவினர் சங்காபிஷேகத்தை செய்தனர். அன்னதானம் நடந்தது.

* வடமதுரை அருகே தென்னம்பட்டி நந்தீஸ்வரர் கோயிலில் 16 வித அபிஷேக பொருட்களை கொண்டு சுவாமிக்கு அபிஷேகம் நடந்தது. கணபதி பூஜையுடன் 108 சங்குகள், மலர்கள் வைத்து சங்காபிஷேகம் நடந்தது. ஒக்கலிகர் பண்ட படவனவர் குல பங்காளிகள், சவடம்மன் கோயில் நிர்வாகிகள் ஏற்பாடுகளை செய்திருந்தனர்.