மதுரை ; மதுரை, மத்திய பேருந்து நிலையம் அருகே உள்ளது கூடலழகர் பெருமாள் கோவில் உள்ளது. 108 திவ்ய தேசங்களில் 47வது கோவிலாக விளங்கும் இங்கு இன்று கும்பாபிஷேகம் கோலாகலமாக நடைபெற்றது.

இக்கோயிலில் கடந்த 2006 ஆம் ஆண்டு கும்பாபிஷேகம் நடத்தப்பட்டது. 12 ஆண்டுகளுக்கு மேல் ஆனதையொட்டி கும்பாபிஷேகம் நடத்த திட்டமிடப்பட்டு கோயில் திருப்பணிகள் 2 ஆண்டுகளுக்கு முன்பு தொடங்கப்பட்டது. இந்த நிலையில் ஜனவரி 21ம் தேதி கும்பாபிஷேகம் நடத்தப்படும் என அறிவிக்கப்பட்டது.

இந்த நிலையில், 17ம் தேதி காலை 10.15 மணியளவில் வாஸ்து சாந்தி மற்றும் யாகசாலை பூஜைகள் தொடங்கியது. தொடர்ந்து 18ம் தேதி காலை 6 மணிக்கு இரண்டாம் கால யாகசாலை பூஜையும், மாலை 4 மணிக்கு மூன்றாம் கால யாகசாலை பூஜையும், 19ம் தேதி காலை 6 மணிக்கு நான்காம் கால பூஜையும், மாலை 4 மணிக்கு ஐந்தாம் கால பூஜையும், இருபதாம் தேதி காலை 6:00 மணிக்கு ஆறாம் கால பூஜையும், இரவு 10 மணிக்கு ஏழாம் கால பூஜையும் நடந்தது. இன்று காலை 4 மணிக்கு எட்டாம் கால பூஜையும், காலை 7 மணிக்கு ஸ்ரீ தேவி, பூதேவி, சமய சுந்தரராஜ பெருமாள் யாகசாலையில் இருந்து புறப்பாடு யாத்ரா தானம் யாகசாலையில் இருந்து கடம்புறம் பாடு நிகழ்ச்சிகள் நடைபெற்றது. இதனை தொடர்ந்து காலை 8. 45 மணிக்கு மேல் 9 மணிக்குள் கோவிலில் சிவாச்சாரியார்கள் விமானங்களுக்கும் புனித நீர் ஊற்றப்பட்டு, வேத மந்திரங்கள் முழங்க கும்பாபிஷேகம் கும்பாபிஷேகம் கோலாகலமாக நடைபெற்றது. ஏராளமான பக்தர்கள் தரிசனம் செய்தனர்.