மேட்டுப்பாளையம்; மேட்டுப்பாளையத்தில் நடந்த நால்வர் பெருவிழாவில் சுவாமி சிவன், பார்வதி சிறப்பு அலங்காரத்தில் திருவீதி உலா சென்றனர்.

மேட்டுப்பாளையம் திருஞானசம்பந்தர் சிவனடியார் திருக்கூட்ட அறக்கட்டளை சார்பில், 11ம் ஆண்டு விழா மற்றும் நால்வர் பெருவிழா நடைபெற்றது. காட்டூர் ஐயப்பன் பஜனை சமாஜம் மண்டபத்தில், சிவன், பார்வதி ஆகிய சுவாமிக்கு மலர்களால், சிறப்பு அலங்காரம் செய்தனர். அதைத்தொடர்ந்து சுவாமியின் கீழே ஞானசம்பந்தர், நாவுக்கரசர், நம்பிஆரூர், மாணிக்கவாசகர் ஆகிய நால்வருக்கும் அலங்காரம் செய்து வைத்தனர். மலர்களால் அலங்காரம் செய்த பின் அங்கிருந்து காட்டூர், மகாதேவபுரம், வனபத்ரகாளியம்மன் கோவில் சாலை வழியாக, மாதேஸ்வரன் மலைக்கு ஊர்வலம் சென்றது. கைலாய வாத்தியங்கள் முழங்க, அதன் பின்னே சிவனடியார்கள், ஏராளமான பக்தர்கள் சென்றனர்.