உத்தர பிரதேசத்தின் வாரணாசியில், காசி விஸ்வநாதர் கோவிலை ஒட்டி ஞானவாபி வளாகம் அமைந்துள்ளது. வாரணாசி நீதிமன்றம், ஞானவாபி மசூதியின் அடித்தளத்தில் வழிபட இந்து பக்தர்களை அனுமதித்து சில நாட்களுக்கு முன் உத்தரவிட்டது. இதை தொடர்ந்து நேற்று செவ்வாய் கிழமை உத்தரப்பிரதேச முதல்வர் யோகி ஆதித்யநாத் ஞானவாபி வளாகத்திற்குச் சென்று அங்குள்ள வியாஸ் கா தெகானாவை வழிபட்டார். அங்கு நிறுவப்பட்ட சிற்பங்களையும், நந்தியையும் வணங்கினார். மாலையில் யோகி ஆதித்யநாத் காசி விஸ்வநாதர் கோவிலுக்கு சென்று சுவாமி தரிசனம் செய்தார். தொடர்ந்து சர்க்யூட் ஹவுஸில் பாஜக பிரதிநிதிகள் மற்றும் சட்டமன்ற உறுப்பினர்களை சந்தித்தார். வளர்ச்சித் திட்டங்களையும் ஆய்வு செய்தார்.