புதுச்சேரி: காந்தி வீதியில் உள்ள வேதபுரீஸ்வரர் திருக்கோவிலில் பாலஸ்தாபன-திருப்பணி இன்று 29ம் தேதி நடக்கிறது. இதை முன்னிட்டு நேற்று மகாகணபதி ஹோமமும், பிரசன்ன பூஜை, கிரக பாலபிம்ப சமஸ்க்காரவளி தீபாராதனையும் நடந்தது. மாலை 6.30 மணிக்கு வாஸ்து சாந்தி, முதற்கால விசேஷ திரவ்யஹோமமும், மகா தீபாராதனையும் நடந்தது.இன்று 29ம் தேதி காலை 6 மணி முதல் 7.30 மணிக்குள் அனைத்து விமான கோபுரங்களுக்கும் மற்றும் பரிவார மூர்த்திகளுக்கும் பாலஸ்த்தாபன சம்ப்ரோஷ்ணமும், திருப்பணி துவக்கமும் நடக்கிறது.மைலம் பொம்மபுரம் ஆதீனம் ஸ்ரீமத் சிவஞான பாலய சுவாமிகள் தலைமை தாங்குகிறார். முதல்வர் ரங்கசாமி முன்னிலை வகிக்கிறார். எம்.எல்.ஏ., லட்சுமிநாராயணன், கலெக்டர் தீபக்குமார் உள்பட பலர் கலந்து கொள்கின்றனர்.விழா ஏற்பாடுகளை கோவில் தனி அதிகாரி வைத்தியநாதன், நிர்வாக அதிகாரி தனஞ்செயன் மற்றும் நிர்வாகிகள் செய்துள்ளனர்.